İRAN TERRORÇU TƏŞKİLATLARLA MÜBARİZƏDƏ ANKARAYA KÖMƏK EDƏCƏK

28.07.2004 [20:19]
Çap et
A⁺ A^-

AZƏRTAC-ın İTAR-TASS agentliyindən aldığı xəbərə görə, İran Ankaranı əmin etmişdir ki, terrorçu təşkilatlarla mübarizədə ona kömək göstərəcəkdir. İyulun 28-də Tehranda Türkiyənin Baş naziri Rəcəb Tayyib Ərdoğanla İranın birinci vitse-prezidenti Məhəmməd Rza Arif arasında danışıqlarda, İraqın şimalında, iki qonşu ölkənin sərhədi yaxınlığında Kürd İşçi Partiyası yaraqlılarının hücumlarının qarşısını almaq üçün tədbirlər görülməsinin zəruriliyi də qeyd olunmuşdur.

Türkiyənin Baş naziri İraqın ərazi bütövlüyü və suverenliyinin qorunub saxlanmasının vacibliyini vurğulamışdır. O demişdir ki, müharibədən sonrakı İraqın quruculuğu məsələləri həll olunarkən bu ölkədəki etnik qrupların və xalqların bərabərliyi prinsipinə riayət etmək zəruridir.

Danışıqlarda vurğulanmışdır ki, iki dövlət arasında 2,3 milyard dollara çatmış əmtəə dövriyyəsinin həcmi 5 milyard dollara qədər artırıla bilər və bunun üçün bütün imkanlar var. Türkiyə İrandan böyük həcmdə təbii qaz almağa da maraq göstərir.

İRAN TERRORÇU TƏŞKİLATLARLA MÜBARİZƏDƏ ANKARAYA KÖMƏK EDƏCƏK

MÜƏLLİFLƏ ƏLAQƏ

Bölmənin digər xəbərləri