İrana qarşı yeni sanksiyalar tətbiq olunub
Tehran, 30 oktyabr, AZƏRTAC
ABŞ-ın Maliyyə Nazirliyi İrana qarşı yeni sanksiyalar tətbiq edib.
AZƏRTAC xəbər verir ki, Qum və İsfahan şəhərlərində fəaliyyət göstərən “Kimia Part Sivan” və “Oujрardaz Ma Do Nafar” şirkətləri ilə yanaşı, 4 fiziki şəxsin adı da sanksiyalar siyahısına əlavə edilib. Bundan başqa, Omana məxsus olan və İrandan neft daşıyan bir tankerin adı da sanksiyalar siyahısına salınıb.
ABŞ Maliyyə Nazirliyinin açıqlamasında qeyd olunur ki, bu şirkət və şəxslər İranda pilotsuz uçuş aparatlarının istehsalında yaxından iştirak edirlər. İranın hərbi məqsədlər üçün istehsal etdiyi bu PUA-lar ABŞ-ın milli təhlükəsizliyinə təhdid yaradır ki, bu səbəbdən də yuxarıda adları çəkilən şirkətlər və onların rəhbərlərinə qarşı sanksiyalar tətbiq olunur.
İranın Xarici İşlər Nazirliyinin buna cavab olaraq verdiyi bəyanatda isə deyilir ki, ABŞ ziddiyyətli addımlar atır. Bir tərəfdən, danışıqları davamlı olması üçün çağırışlar edir, digər tərəfdən isə sanksiyalar siyasətini davam etdirir.
Rabil Kətanov
AZƏRTAC-ın xüsusi müxbiri
Tehran
Bölmənin digər xəbərləri
