İranda M.S.Ordubadinin “Dumanlı Təbriz” romanı əsasında serial çəkilir
Bakı, 7 oktyabr (AZƏRTAC). İranda Azərbaycanın tanınmış tarixi romanlar müəllifi Məmməd Səid Ordubadinin “Dumanlı Təbriz” romanı əsasında serial çəkilir. Eyniadlı serialın ssenari müəllifi və rejissoru Məhəmmədrza Vərzidir.
AZƏRTAC İranın Mehr xəbərlər agentliyinə istiadla xəbər verir ki, filmin çəkilişləri üçün Təbriz şəhərinin 200 il bundan əvvəl təsvir olunduğu dekorasiya qurulmuşdur. Dekorasiyada Təbrizin hökumət evi (Darül-Hökumət), Abbas Mirzənin sarayı, Təbriz şəhərinin mərkəzi meydanı, bir neçə mənzil əks olunmuşdur. İndiyədək serialın 30 faizinin çəkilişləri başa çatmışdır.
Serialda İranın tanınmış aktyorları Cəmşid Məşayixi, Məhəmmət Müti, Məhəmmədrza Şərifiniya, İlham Həmidi, Daryuş Kardan, Çingiz Yusuqi, Leyla Zarezadə və başqaları rol almışlar.
Film 2011-ci ilin fevralından efirə çıxacaqdır. Hər seriyası 50 dəqiqə olmaqla 20 seriyadan ibarət film İran-Rusiya müharibələri və digər tarixi hadisələri əks etdirəcəkdir.
Bölmənin digər xəbərləri
