İRAQ KOMANDASININ MƏŞQÇİSİ HƏDƏ-QORXULAR QARŞISINDA GERİ ÇƏKİLDİ

01.08.2006 [18:46]
Çap et
A⁺ A^-

İraqın yığma futbol komandasının baş məşqçisi Əkrəm Salman həyatına qarşı hədələr aldığına görə istefa vermişdir. AZƏRTAC Röyterə istinadla xəbər verir ki, İraq Futbol Federasiyası (İFF) məşqçinin ərizəsini hələlik imzalamayıb və bu məsələ barədə qəti qərarı yaxın günlərdə qəbul edəcəkdir.

Bununla yanaşı, İFF-nin prezidenti Hüseyn Səid bildirmişdir ki, Salmanı əvəz etmək üçün federasiyanın artıq bir neçə namizədi var.

60 yaşlı mütəxəssisin məhz nə kimi hədələr aldığı barədə müfəssəl məlumat verilmir. Lakin polis artıq təhqiqata başlamışdır və hətta bədxahların telefon nömrələrini də bilir.

Əkrəm Salman İraq milli yığmasına ötən ildən başçılıq edir. İraq futbolçuları 2007-ci il Asiya Kuboku uğrunda seçmə turnirə onun rəhbərliyi ilə başlamışlar. Onlar əvvəlcə sinqapurlulara uduzmuş, sonra isə Küveyt komandasına qalib gəlmişlər.

İRAQ KOMANDASININ MƏŞQÇİSİ HƏDƏ-QORXULAR QARŞISINDA GERİ ÇƏKİLDİ

MÜƏLLİFLƏ ƏLAQƏ

Bölmənin digər xəbərləri