İşdə tez-tez baş verən streslər genetik dəyişikliklərə səbəb olur
Bakı, 11 noyabr (AZƏRTAC). Məlumdur ki, müntəzəm streslər immun sistemi hüceyrələrinin əslində mövcud olmayan xəstəliklərə qarşı mübarizəyə başlamasına səbəb olur.
İşdə çəkişmələrlə bağlı streslər ilk növbədə ürək-damar xəstəliklərinin inkişafına gətirib çıxarır. Heç nəyi başa düşmək istəməyən müdiriyyətlə gərgin şəraitdə ağır iş isə hətta immun sistemində genetik dəyişikliklər doğura bilər.
ABŞ-ın Ohayo Universitetinin alimləri işdə tez-tez əsəbiləşən adamların qan nümunələrini tədqiq etmişlər. Mütəxəssislər bu nümunələri eksperiment məqsədilə qəsdən stress vəziyyətinə salınmış laboratoriya gəmiricilərinin qan nümunələri ilə müqayisə etmişlər. Nəticədə alimlər əslində mövcud olmayan xəstəliklərlə mübarizə aparan iltihablaşmış hüceyrələrin meydana çıxdığını aşkar etmişlər.
İmmun sisteminin iltihablaşan hüceyrələri ilk növbədə ürəyin, qan damarlarının və qaraciyərin fəaliyyətinə mənfi təsir göstərir. Qeyd etmək lazımdır ki, streslər də orqanizmi gün ərzində çəkilmiş beş siqaret qədər zəiflədir.
Bölmənin digər xəbərləri
