İSLAM KONFRANSI TƏŞKİLATI DAĞLIQ QARABAĞDA KEÇİRİLMİŞ “REFERENDUM”U TANIMIR
İKT-nin nümayəndəsi Ətta əl-Mənnan bildirmişdir ki, “bu saxta “referendum” beynəlxalq hüququn bütün norma və prinsiplərini ən kobud şəkildə pozur və sülh danışıqlarının davam etdirilməsinə mane olur”.
Təşkilatın bəyanatında deyilir: “İKT Ermənistan Respublikasının Azərbaycan Respublikasına qarşı təcavüzünü bir daha kəskin surətdə pisləyir və Ermənistanı öz işğalçı kontingentini Azərbaycan ərazisindən dərhal, tamamilə və qeyd-şərtsiz çıxarmağa çağırır”.
Əl-Mənnan həmçinin vurğulamışdır ki, İKT işğaldan və Ermənistan ordusunun Dağlıq Qarabağın azərbaycanlı əhalisinə qarşı apardığı etnik təmizləmələrdən yaxşı xəbərdardır və Azərbaycan Respublikasının ərazi bütövlüyünü tamamilə tanıyır. O demişdir ki, Dağlıq Qarabağın statusunu müəyyənləşdirən hər hansı saziş bu bölgənin həm erməni, həm də Azərbaycan icmalarının lazımınca və bərabər iştirakı şərti ilə dinc demokratik proses çərçivəsində qəbul edilməlidir.
Bölmənin digər xəbərləri
