İsraildə miqrasiya göstəricilərində kəskin artım qeydə alınıb
Bakı, 30 yanvar, AZƏRTAC
İsrailin Mərkəzi Statistika Bürosu “İsraillilərin beynəlxalq miqrasiyası: ölkəni tərk edən və geri qayıdan İsrail vətəndaşları” mövzusunda 2024-cü ilə dair məlumatları açıqlayıb.
AZƏRTAC İsrailin TPS-IL informasiya agentliyinə istinadla xəbər verir ki, 2024-cü ildə 82 min 774 İsrail vətəndaşı ölkəni tərk edən miqrant kimi qeydə alınıb. Bu göstərici 2023-cü ildəki 59 min 366 nəfərlə müqayisədə 39,4 faiz çoxdur.
Eyni dövrdə ölkəyə qayıdan İsrail vətəndaşlarının sayı 24 min 150 nəfər olub ki, bu da 2023-cü illə müqayisədə 18,4 faiz azalma deməkdir.
2025-ci ilin ilkin məlumatları xaricə köçən israillilərin sayının 2024-cü illə müqayisədə azaldığını göstərsə də, bu rəqəm 2023-cü ildən əvvəlki illərin göstəricilərindən hələ də yüksəkdir. Eyni zamanda, geri qayıdanların sayı 2024-cü ildən əvvəlki onillik dövrdəki orta göstəricidən aşağıdır.
Hesabat dövründə ölkəni tərk edənlərin səviyyəsi hər min nəfərə 8,5 nəfər, geri qayıdanların səviyyəsi isə hər min nəfərə 2,5 nəfər təşkil edib.
Bölmənin digər xəbərləri
