İSTİFADƏ ÜÇÜN YARARSIZ DƏRMANLAR AŞKAR OLUNMUŞDUR
Səhiyyə Nazirliyinin Mərkəzi nəzarət laboratoriyası “NUR-2” şirkəti ilə Latviyanın “Mires” MMC arasında bağlanmış müqaviləyə uyğun olaraq ölkəyə gətirilmiş dərman preparatları nümunələrinin keyfiyyətini yoxlayarkən bir sıra dərmanların istifadə üçün yararsız olduğu müəyyən edilmişdir. Səhiyyə Nazirliyində AZƏRTAC-ın müxbirinə bildirmişlər ki, aspirin (Borisovo tibb preparatları zavodunda istehsal olunmuş 370103 seriyalı 0,5 milliqramlıq 10 həb), nistatin-500000 ED (“Biosintez” ASC-nın istehsalı olan 110203, 1621202, 90203 seriyalı 20 həb), ampisilin trihidrat (“Biosintez” ASC-də istehsal olunmuş 351202 seriyalı 0,25 qramlıq 20 həb) satış, saxlanma və istifadə üçün qadağan olunmuşdur.
Bölmənin digər xəbərləri
