İsveçdə aparılan araşdırmada xərçəngin artıq çəki ilə əlaqəli olduğu müəyyən edilib
Bakı, 15 may, AZƏRTAC
İsveçin Malmö şəhərindəki Lund Universitetinin alimləri 4,1 milyon insanın məlumatlarını araşdırıblar.
AZƏRTAC “Hindustan Times”ın məlumatına istinadla xəbər verir ki, piylənmənin artan təhlükəsini göstərən yeni araşdırmada elm adamları artıq çəki ilə əlaqəli xərçənglərin sayının eksponent olaraq artdığını aşkar ediblər.
Araşdırmada 32 xərçəng növünün piylənmə ilə birbaşa əlaqəli olduğu müəyyən olunub. Həmin növlərə süd vəzi, bağırsaq, böyrək xərçəngi sair daxildir. Araşdırmada alimlər xərçəng diaqnozlarının 40 faizinin artıq çəki ilə əlaqəli olduğuna diqqət çəkiblər.
Ümumdünya Səhiyyə Təşkilatının məlumatına görə, dünyada 1 milyarddan çox insan piylənmədən əziyyət çəkir. Uşaq və yeniyetmələrdə piylənmə halları isə 4 dəfə artıb.
Bölmənin digər xəbərləri
