İsveçrənin “Berner Zeitung” və “Der Bund” qəzetləri Xocalı faciəsindən bəhs etmişdir
Bakı, 26 fevral (AZƏRTAC). Heydər Əliyev Fondunun vitse-prezidenti Leyla Əliyevanın təşəbbüsü ilə həyata keçirilən “Xocalıya ədalət!” beynəlxalq məlumatlandırma kampaniyası çərçivəsində İsveçrənin geniş oxucu kütləsinə malik “Berner Zeitung” və “Der Bund” qəzetlərinin 26 fevral tarixli nömrələrində tam bir səhifədə “26 fevral 1992. Xocalı unudulmayacaq. 613” başlıqlı məqalə dərc edilmişdir.
Bu barədə Azərbaycan Respublikasının İsveçrə Konfederasiyası və Lixtenşteyn Knyazlığındakı səfirliyindən AZƏRTAC-a məlumat verilmişdir.
Bu məqalə Ermənistan-Azərbaycan, Dağlıq Qarabağ münaqişəsinin ən faciəli hadisəsi olan Xocalı soyqırımı barədə isveçrəlilərə obyektiv faktları çatdırmaq baxımından böyük əhəmiyyətə malikdir.
Bölmənin digər xəbərləri
