İtaliyada 12 yaşdan yuxarı əhalinin 80 faizi COVID-19 əleyhinə peyvənd olunub
Roma, 10 oktyabr, AZƏRTAC
İtaliyada yaşı 12-dən çox olan əhalinin 80 faizi COVID-19 əleyhinə peyvənd edilib.
AZƏRTAC xəbər verir ki, indiyədək İtaliyada 12 yaşdan yuxarı 60 milyon nəfərin 43 milyon 229 min 552-sinə hər iki doza peyvənd vurulub.
Bununla da hökumət ölkədə COVID-19-la bağlı çox sayda məhdudiyyətin ardan qaldırılması üçün qarşıya qoyduğu hədəfə çatıb. Xəstəxanalara yerləşdirilənlərin sayında da əhəmiyyətli dərəcədə azalma var.
İtaliya hökuməti bundan sonra uşaqların peyvənd prosesini sürətləndirmək üçün çalışır.
Nihad Budaqov
AZƏRTAC-ın xüsusi müxbiri
Roma
Bölmənin digər xəbərləri
