İyul-sentyabr aylarında Yaponiyada ÜDM istehsalı illik proqnozlar fonunda 1,9 faiz artmışdır
Tokio, 15 noyabr (AZƏRTAC). Yaponiyada iqtisadi artım cari ilin iyul-sentyabr aylarında da davam etmişdir. Lakin artımın əvvəlki rüblə müqayisədə azaldığı bildirilir.
Yaponiya Nazirlər Kabinetinin dərc etdiyi ilkin məlumatda deyilir ki, ölkə üzrə ümumi daxili məhsul (ÜDM) əvvəlki rüblə müqayisədə 0,5 faiz artmışdır. Bu, illik proqnoz fonunda 1,9 faiz artım deməkdir.
Aprel-iyun aylarında isə artım illik proqnoza əsasən 3,8 faiz olmuşdur.
Baş nazir Şinzo Abenin iqtisadiyyatın stimullaşdırılması tədbirləri çərçivəsində qəbul etdiyi tədbirlər paketi nəticəsində ictimai sektora kapital qoyuluşu 6,5 faiz artmışdır.
Hazırkı inkişafın əsas aparıcı qüvvəsi hesab edilən şəxsi istehlak da 0,1 faiz artmışdır, bu da zəifləməni təsdiq edir.
Hesabat dövründə Asiyanın inkişaf etməkdə olan ölkələrində artım tempi aşağı düşdüyünə görə, ixracın da 0,6 faiz azaldığı bildirilir.
Vüqar Ağayev
AZƏRTAC-ın xüsusi müxbiri
Tokio
Bölmənin digər xəbərləri
