Kabildə partlayış nəticəsində azı 15 nəfər həlak olub
Bakı, 2 noyabr, AZƏRTAC
Əfqanıstanın paytaxtı Kabilin mərkəzi hissəsində yerləşən hospitalın yaxınlığında törədilən partlayış nəticəsində azı 15 nəfər həlak olub.
AZƏRTAC xəbər verir ki, bu barədə Reuters agentliyi “Taliban”ın təhlükəsizlik qüvvələrinin nümayəndəsinə istinadla məlumat yayıb. Hadisə nəticəsində daha 34 nəfər yaralanıb.
Əfqanıstanın Bakhtar agentliyinin məlumatına görə, hospitala İŞİD terror qruplaşmasının silahlıları hücum ediblər. Birinci partlayış xəstəxana binasının girişinin yaxınlığında, ikincisi isə onun ətrafında törədilib.
Hadisə yerinə xüsusi təyinatlıların gəldiyi bildirilir.
Bölmənin digər xəbərləri
