Kamera Orkestrinin direktoru: Qara Qarayevin irsi Azərbaycan musiqi mədəniyyətinin əvəzsiz sərvətidir VİDEO
Bakı, 4 fevral, Günel Alıyeva, foto Səfiyar Məcnun, AZƏRTAC
Qara Qarayev Azərbaycan musiqi mədəniyyətinin ən parlaq və dahi simalarından biridir. O, Azərbaycan klassik musiqisinin banisi, dahi Üzeyir Hacıbəylinin sevimli tələbələrindən biri olub. Eyni zamanda, Azərbaycan professional klassik musiqi məktəbinin formalaşmasında və inkişafında müstəsna xidmətləri olan böyük bəstəkar kimi tarixə düşüb.
AZƏRTAC xəbər verir ki, bu fikirləri jurnalistlərə açıqlamasında Qara Qarayev adına Azərbaycan Dövlət Kamera Orkestrinin direktoru Leyla Quliyeva bildirib.
Onun sözlərinə görə, Qara Qarayevin “Yeddi gözəl”, “İldırımlı yollarla” baletləri, eləcə də simfoniyaları və “Leyli və Məcnun” simfonik poeması dünya miqyasında Azərbaycan xalqı üçün qiymətli mədəni sərvət kimi dəyərləndirilməlidir.
O bildirib ki, bəstəkarın irsi və töhfələri hər zaman xalqımızın mənəvi həyatında yaşayacaq, Azərbaycan musiqi mədəniyyəti tərəfindən daim yüksək qiymətləndiriləcək.
Bölmənin digər xəbərləri
