Kamran İmanov: Azərbaycan iqtisadi və institusional islahatlar ölkəsidir
Bakı, 15 noyabr, AZƏRTAC
“Azərbaycan fəal iqtisadi və institusional islahatlar ölkəsidir. Prezident İlham Əliyevin uğurlu siyasəti sayəsində həyata keçirilən tədbirlər gələcəyə yönəlib”.
AZƏRTAC xəbər verir ki, bu fikri Əqli Mülkiyyət Agentliyinin İdarə Heyətinin sədri Kamran İmanov “Azərbaycan və Avrasiya Patent Təşkilatı arasında əməkdaşlığın prioritet istiqamətləri” mövzusunda keçirilmiş dəyirmi masada söyləyib.
Kamran İmanov diqqətə çatdırıb ki, Vətən müharibəsində əldə olunmuş Böyük Qələbədən sonra azad edilmiş torpaqlarımızda möhtəşəm quruculuq prosesi və Böyük Qayıdış həyata keçirilir. Dövlətimizin başçısının təsdiq etdiyi “Azərbaycan 2030: sosial-iqtisadi inkişafa dair Milli Prioritetlər”, “Azərbaycan Respublikasının 2022-2026-cı illərdə Sosial-İqtisadi İnkişaf Strategiyası”nın Fəaliyyət Planında əqli mülkiyyət qarşıya qoyulan məqsədlərə çatmağa xidmət edən mühüm amil olaraq diqqət mərkəzindədir: “Beləliklə, bizim vəzifəmiz ölkə başçısının qarşıda qoyduğu əsas məqsədlərə nail olmaq, dövlət başçısı tərəfindən yaradılmış müstəqil əqli mülkiyyət qurumunun aparılan islahatların real aktoruna çevrilməsini təmin etməkdir”.
Bölmənin digər xəbərləri
