“KAPELHAUSDA” BEYNƏLXALQ UŞAQ SƏRGİSİ AÇILMIŞDIR
AZƏRTAC xəbər verir ki, sentyabrın 29-da Alman-Azərbaycan - “Kapelhaus” Mədəniyyət Mərkəzində “The White Ravens” (“Ağ qarğalar”) adlı uşaq və gənclər beynəlxalq kitab sərgisi açılmışdır.
Almaniyanın Azərbaycandakı səfiri Per Kristofer Stançina tədbirin xalqlarımız arasında birgə əməkdaşlığa, mədəniyyətlərin qarşılıqlı inkişafına, sivilizasiyaların inteqrasiyasına kömək edəcəyini söyləmişdir. Səfir qeyd etmişdir ki, insanlar bir-birini kitabların dili ilə daha yaxşı anlaya bilərlər.
Sərgidə dünyanın 30-a yaxın ölkəsindən 45 dildə yazan müəlliflərin 250 kitabı təqdim olunmuşdur.
Tamaşaçılar tərəfindən böyük maraqla qarşılanan sərgi oktyabrın 4-dək davam edəcəkdir.
Bölmənin digər xəbərləri
