Karate üzrə beynəlxalq dərəcəli referimiz hakimlik dərəcəsini yüksəldib
Bakı, 19 fevral, AZƏRTAC
Karate üzrə beynəlxalq dərəcəli hakim Rənad Əliyev növbəti hakimlik imtahanından uğurla keçib.
Azərbaycan Karate Federasiyasının mətbuat xidmətindən AZƏRTAC-a verilən məlumata görə, o, Dubayda Karate 1 Premyer Liqa seriya yarışından əvvəl Dünya Karate Federasiyasının (WKF) hakimlər komitəsi tərəfindən keçirilən imtahanda kata üzrə B dərəcəli referi statusuna sahib olub.
Azərbaycan komandası Karate 1 Premyer Liqa seriyası yarışında 9 idmançı ilə təmsil olunur. Karateçilərimizdən Tural Ağalarzadə (67 kq) bütün rəqiblərinə qalib gələrək finala yüksəlib. İdmançımz final qarşılaşmasına fevralın 20-də çıxacaq.
Fevralın 20-dək davam edəcək nüfuzlu turnirə 55 ölkədən 342 karateçi qatılıb.
Bölmənin digər xəbərləri
