Keçmiş məhkumdan 30 kiloqramdan çox narkotik maddə götürülüb
Bakı, 8 iyun, AZƏRTAC
Daxili işlər orqanlarının əməkdaşları narkotik vasitələrin qanunsuz dövriyyəsinə qarşı mübarizə tədbirlərini qətiyyətlə davam etdirirlər.
Daxili İşlər Nazirliyinin mətbuat xidmətindən AZƏRTAC-a bildiriblər ki, narkotiklərin qanunsuz dövriyyəsində şübhəli bilinən Masallı rayon sakini, əvvəllər məhkum olunmuş E.Əzizov Baş Narkotiklərlə Mübarizə İdarəsi əməkdaşlarının əldə edilmiş məlumat əsasında keçirdikləri əməliyyat tədbiri nəticəsində Xətai rayonu ərazisində saxlanılıb. Şəxsi axtarış zamanı ondan 12 qrama yaxın, kirayədə yaşadığı mənzildən isə 25 kiloqrama yaxın heroin, 1 kiloqram 870 qram tiryək, 3 kiloqram 275 qram metamfetamin və bir elektron tərəzi aşkar edilərək götürülüb.
Faktla bağlı araşdırmalar davam etdirilir.
Bölmənin digər xəbərləri
