KEÇMİŞ “TURAN” MEHMANXANASINDAN ÇIXARILAN ŞƏXSLƏR ARASINDA HƏRBİ QULLUQÇULAR YOXDUR
Hərbi qulluqçuların keçmiş “Turan” mehmanxanasından çıxarılması barədə bəzi müxalifət qəzetlərinin yaydığı məlumat həqiqətə uyğun deyil.
Milli Məclisin sonuncu ümumi iclasında bunu bəyan edən deputat Rizvan Cəbiyev bildirmişdir ki, o, həmin məsələ ilə əlaqədar Müdafiə Nazirliyinin rəhbərliyi ilə görüşmüşdür. Onun sözlərinə görə, mehmanxanadan çıxarılanların ordu ilə heç bir əlaqəsi yoxdur. Lakin bəzi şəxslər mehmanxananı bərpa etmək niyyətində olduğundan, parlament və Müdafiə Nazirliyi orada yaşayan hərbçi ailələrinin gələcək taleyi ilə maraqlanmalıdır. Deputat Milli Məclisin sədrindən bu məsələdə kömək göstərməyi xahiş etmişdir.
Bölmənin digər xəbərləri
