ELM VƏ TƏHSİL
KİYEVDƏ TƏHSİL ALACAQLAR
Ukrayna Nazirlər Kabinetinin əcnəbi vətəndaşların ölkədə təhsili haqqında qərarına və Ukrayna Təhsil Nazirliyi komissiyasının qərarına uyğun olaraq, Azərbaycanın iki nümayəndəsi yeni dərs ilində Kiyev Milli Ticarət-İqtisad Universitetində təhsil alacaqdır.
AZƏRTAC-ın Kiyevdəki xüsusi müxbirinin verdiyi xəbərə görə, respublikamızın Təhsil Nazirliyinin, Ukraynadakı səfirliyinin, Azərbaycan Kulinarlar Assosiasiyasının birgə səyləri, habelə Ukrayna tərəfinin xoş məramı sayəsində tələbələrimiz nəinki pulsuz oxuyacaq, həm də təqaüd alacaqlar. Onlardan biri – Bakı şəhərinin tanınmış restoranlarından birində zəngin iş təcrübəsi toplamış Elmira Həsənova artıq restoran-mehmanxana və turizm biznesi fakültəsinə qəbul edilmişdir.
Bölmənin digər xəbərləri
