Klub müəssisələrində 1140 uşaq dərnəyi və kollektivi fəaliyyət göstərib
Bakı, 22 sentyabr, AZƏRTAC
Dövlət Statistika Komitəsinin bu il yayımladığı statistik məlumatlara əsasən, 2024-cü ilin əvvəlinə Mədəniyyət Nazirliyi sistemi üzrə klub müəssisələrində 1140 uşaq dərnəyi və kollektivi fəaliyyət göstərib.
AZƏRTAC xəbər verir ki, bu barədə Dövlət Statistika Komitəsinin “Azərbaycanda uşaqlar” statistik məcmuəsində qeyd olunub.
Həmin dərnək və kollektivlərdə 8,1 min nəfər iştirak edib. Məlumata görə, 2001-ci ilin əvvəlinə klub müəssisələrində uşaq dərnəkləri və kollektivlərinin sayı 3623 olub. Həmin dərnəklərdə iştirak edənlərin sayı isə 50,4 min nəfər təşkil edib. 2023-cü ilin əvvəlinə uşaq dərnəkləri və kollektivlərinin sayı 1305, iştirakçıların sayı 7,5 min nəfər olub.
Bölmənin digər xəbərləri
