KOBİA Dubayda keçirilən Azərbaycan İnvestisiya Forumunda təmsil olunub
Bakı, 4 noyabr, AZƏRTAC
Azərbaycan və Birləşmiş Ərəb Əmirliklərinin rəsmi şəxslərinin və iş adamlarının iştirakı ilə noyabrın 4-də Dubay şəhərində keçirilmiş Azərbaycan İnvestisiya Forumunda Kiçik və Orta Biznesin İnkişafı Agentliyi (KOBİA) də təmsil olunub.
KOBİA-dan AZƏRTAC-a bildirilib ki, agentliyin İdarə Heyətinin sədri Orxan Məmmədov KOB sektorunda ölkələrimiz arasında əməkdaşlığın genişləndirilməsi üçün böyük potensialın olduğunu vurğulayıb. Qeyd olunub ki, agentlik KOB-lara xidmətlərin göstərilməsi üzrə qabaqcıl beynəlxalq təcrübənin tətbiqinə önəm verir və Birləşmiş Ərəb Əmirliklərinin bu sahədə təcrübəsi də KOBİA-nın diqqət mərkəzindədir. Hər iki ölkənin KOB-ları arasında əlaqələrin inkişaf etdirilməsi və sahibkarlar üçün birgə əməkdaşlıq platformalarının yaradılması işgüzar münasibətlərin genişləndirilməsi üçün vacib istiqamətlərdəndir.
Bölmənin digər xəbərləri
