KOBİA əməkdaşları üçün təlim keçirilib
Bakı, 25 oktyabr, AZƏRTAC
Kiçik və Orta Biznesin İnkişafı Agentliyinin (KOBİA) əməkdaşları üçün ASAN İnnovativ İnkişaf Mərkəzi tərəfindən “Effektiv ünsiyyət bacarıqları”, “Stres vəziyyətinin idarə olunması”, “Konfliktli halların idarə edilməsi”, “Müştəri məmnuniyyətinin idarə olunması” təlimləri keçirilib.
KOBİA-dan AZƏRTAC-a bildirilib ki, iştirakçılara aktiv dinləmə, izahetmə və inandırma bacarıqları, səsdən effektiv istifadə üsulları, müştəriyönümlü xidmətin açarı, stres vəziyyətinin idarə olunması, gündəlik stresdən və tükənmədən qorunma üsulları, çətin hallardan çıxış yolları, verbal və qeyri-verbal ünsiyyətin əsaslarını izah etməklə yanaşı, sual vermək, faydalı geri dönüş, bədən dili və emosiyaların idarə edilməsi, konfliktin xüsusiyyətləri və idarə olunması, qərarvermədə addımlar və mübahisələrin qarşısının alınması üsulları kimi bir sıra bacarıqlar və vərdişlər aşılanıb. Həmçinin hər bir təlim zamanı diskussiya, praktiki məşğələlər və rol oyunları keçirilib.
Bölmənin digər xəbərləri
