KOMPÜTER İNFORMASİYASINI NECƏ QORUMALI?
Xarkov Milli Radioelektronika Universitetinin alimləri kompüter informasiyasının, o cümlədən İnternet vasitəsilə verilən informasiyanın qorunması sistemini yaratmışlar. Araşdırıcılar qrupunun rəhbəri, texnika elmləri namizədi Roman Oleynikovun dediyinə görə, bu sistem cib dəftərçəsi boyda kompüter modulundan ibarətdir. Bütün informasiya İnternet şəbəkəsinə verilməzdən əvvəl bu moduldan keçir və burada onun qorunması təmin edilir. Özü də, qorunma sisteminə informasiyanın yüksəkdavamlı və etibarlı şəkildə şifrlənməsi də daxildir ki, bu da milyardlarla dollar məbləğində maliyyə itkisinin qarşısını almağa imkan verir.
İnformasiya texnologiyalarının təhlükəsizliyi kafedrasının müdiri, texnika elmləri doktoru, professor İvan Qorbenko bildirmişdir ki, Ukraynada bu modulun tayı-bərabəri yoxdur. Rusiya modulları öz imkanlarına görə ondan geri qalır. Uzaq xarici ölkələrdə yaradılan analoqları isə təxminən 2-3 dəfə bahadır.
Ukraynalı istehlakçı üçün modulun dəyəri fərdi kompüterin dəyərinə bərabərdir. Bu, ucuz olmasa da, kompüter informasiyasından icazəsiz istifadənin və bununla da maliyyə itkilərinin qarşısını almaq imkanı modulun dəyərini artıqlaması ilə çıxarır.
Ukrinformun verdiyi xəbərə görə, modul Ukrayna Sosial Bankının sifarişi ilə hazırlanmışdır. Həm Ukraynanın, həm də Rusiya, ABŞ, Çin və İranın bank strukturları bu yeniliklə maraqlanmışlar.
Bölmənin digər xəbərləri
