KONSTİTUSİYA MƏHKƏMƏSİNİN 10 İLLİK YUBİLEYİ İLƏ BAĞLI BEYNƏLXALQ KONFRANS KEÇİRİLƏCƏKDİR
AZƏRTAC xəbər verir ki, iyulun 14-də Azərbaycan Respublikası Konstitusiya Məhkəməsinin yaranmasının 10 ili tamam olur. Ümummilli lider Heydər Əliyev tərəfindən yaradılan konstitusiya nəzarəti orqanı ötən on ildə demokratik, dünyəvi, hüquqi dövlətin formalaşması və Avropaya hüquqi inteqrasiya prosesinə layiqli töhfələr vermişdir.
Konstitusiya Məhkəməsi yubileyini “Konstitusiya Məhkəməsi qərarlarının icrası konstitusiya ədalət mühakiməsinin həyata keçirilməsi prosesinin mühüm mərhələsi kimi” mövzusunda beynəlxalq konfransla qeyd edəcəkdir.
Avropa Şurası Venesiya Komissiyası və Almaniya Texniki Əməkdaşlıq Cəmiyyəti ilə birgə təşkil olan konfransda Türkiyə, Rusiya, Almaniya, Çexiya, Macarıstan, Qazaxıstan, Ukrayna, Latviya, Litva, Gürcüstan, Koreya Respublikası, İsrail və digər ölkələrin Konstitusiya məhkəmələrinin sədrləri və hakimləri, həmçinin ölkəmizin hakimiyyət orqanlarının məsul işçiləri iştirak edəcəklər.
Bölmənin digər xəbərləri
