Kraliça II Elizabet həkimlərin məsləhəti ilə daha iki həftə istirahət edəcək
London, 30 oktyabr , AZƏRTAC
Kraliça II Elizabetin həkimlərin məsləhəti ilə daha iki həftə istirahət edəcəyi və bu müddət ərzində rəsmi səfərlər həyata keçirməyəcəyi açıqlanıb.
AZƏRTAC xəbər verir ki, Bukingem Sarayından verilən açıqlamada 95 yaşlı Kraliça Elizabetin bu müddət ərzində bəzi vəzifələri, o cümlədən onlayn danışıqları icra edə biləcəyi qeyd olunub.
Vurğulanıb ki, Kraliça Birinci Dünya müharibəsində həyatını itirən Britaniya əsgərlərinin xatirəsinin anım mərasimində (14 noyabr) iştirak etmək niyyətindədir.
Həmçinin Kraliça Qlazqoda keçiriləcək İqlim Dəyişikliyi Sammitində də iştirak etməyəcək. II Elizabet sammit iştirakçılarına videomüraciət ünvanlayacaq.
Həkimlərin dincəlməklə bağlı tövsiyəsindən sonra Kraliça Şimali İrlandiyaya səfərini də ləğv edib.
Aynurə Tağıyeva
AZƏRTAC-ın xüsusi müxbiri
London
Bölmənin digər xəbərləri
