KRASNOYARSK DİYARINDA STALİNİN PANTEONU BƏRPA EDİLƏCƏK
AZƏRTAC “İnterfaks” agentliyinə istinadla xəbər verir ki, Krasnoyarsk diyarında İosif Stalinə həsr olunmuş panteonu bərpa etmək planlaşdırılır. Diyarın qubernatorunun müşaviri Yevgeni Paşşenko bildirmişdir ki, təşəbbüsü turizmlə məşğul olan təşkilatlar irəli sürmüşlər. O demişdir ki, bu kommersiya layihəsi turistləri cəlb etmək üçün nəzərdə tutulur və heç bir siyasi məqsəd daşımır”.
Panteon keçən əsrin ortalarında Turuxansk rayonunun Kureyka qəsəbəsində inşa edilmişdi və 400 kvadratmetrdən çox sahəsi olan bu möhtəşəm tikintinin kompozisiyasında Stalinin heykəli də var idi. 1961-ci ildə panteon bağlanmış, 1995-ci ildə isə yanmışdı.
Panteon qorunub saxlanmış fotoşəkillər və sənədlər əsasında bərpa ediləcəkdir.
Bölmənin digər xəbərləri
