KREDİT YARMARKALARINDAN SONRA SAHİBKARLARIN MÜVƏKKİL BANKLARA MÜRACİƏTLƏRİ ARTMIŞDIR

30.07.2004 [11:34]
Çap et
A⁺ A^-

Sahibkarlar üçün Şəkidə və Qubada keçirilmiş kredit yarmarkalarından sonra 100-ə qədər fermer və iş adamı müvəkkil kredit təşkilatı seçilmiş “Aqrarkredit” səhmdar kredit təskilatına müraciət etmişdir. Təşkilatdan AZƏRTAC-a bildirmişlər ki, indi bu müraciətlər, təqdim olunan sərmayə layihələri, habelə istehsal ediləcək məhsulların satış bazarı və digər məlumatlar, bir sözlə, kredit vəsaitinin ayrılması üçün təqdim olunan sənədlərin hamısı mütəxəssislər tərəfindən öyrənilir.

Eyni zamanda “Aqrarkredit” SKT-in filialları kredit götürmək istəyən hüquqi və fiziki şəxslərə Azərbaycan Respublikası Sahibkarlığa Kömək Milli Fondunun vəsaitindən istifadə edilməsi qaydaları barədə də ətraflı məlumat verir.

Səhmdar kredit təşkilatı ölkəmizdə sahibkarlığın inkişafına dövlət himayəsi sahəsində Azərbaycan Prezidentinin Fərmanlarından irəli gələn vəzifələri layiqincə yerinə yetirməyə çalışır.

KREDİT YARMARKALARINDAN SONRA SAHİBKARLARIN MÜVƏKKİL BANKLARA MÜRACİƏTLƏRİ ARTMIŞDIR

MÜƏLLİFLƏ ƏLAQƏ

Bölmənin digər xəbərləri