Kreml: Ukrayna ilə memorandum üzərində iş qapalı rejimdə, amma dinamik şəkildə aparılır
Moskva, 21 may, AZƏRTAC
Rusiya Prezidentinin mətbuat katibi Dmitri Peskov bəyan edib ki, Rusiya ilə Ukrayna arasında memorandumun hazırlanması üzrə iş diskret, ictimai olmayan formatda davam edir, lakin dinamik şəkildə gedir.
AZƏRTAC xəbər verir ki, Peskov “prosesi ləngitməkdə heç kimin maraqlı olmadığını” vurğulayıb və hadisələrin inkişafı barədə məlumat verəcəyini vəd edib.
“İşlərin əksəriyyəti diskret rejimdə aparılır və məlum səbəblərə görə o, ictimaiyyət üçün açıq olmamalıdır”, - deyə Kremlin sözçüsü qeyd edib.
O, həmçinin İstanbulda əldə edilmiş razılaşmaların icrasının, o cümlədən “1000-ə 1000” düsturuna əsasən hərbi əsirlərin mübadiləsinin davam etdiyini bildirib.
“İş İstanbulda əldə edilmiş razılaşmalara uyğun olaraq aparılır”, -deyə Peskov təsdiqləyib.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
