“Krosa” tufanı “O-bon” bayramının ən qızğın çağında Yaponiyaya çata bilər
Tokio, 9 avqust, AZƏRTAC
Yaponiya sinoptiklərinin yaydığı məlumata görə, çox güclü “Krosa” tufanı Yaponiyanın qərb sahillərinə “O-bon” bayramının ən qızğın çağında çata bilər.
AZƏRTAC Yaponiya Meteorologiya Agentliyinə istinadla xəbər verir ki, özü ilə güclü külək və nəhəng dalğalar gətirən “Krosa” tufanı qarşıdan gələn istirahət günlərində Sakit okeandakı Oqasavara adalarına yaxınlaşacaq.
Agentliyin məlumatında qeyd edilir ki, şimal istiqamətində hərəkət edən tufan öz gücünü saxlayaraq təqribən gələn həftənin ortalarında Sakit okeanın Yaponiya sahillərinə çatacaq.
Vüqar Ağayev
AZƏRTAC-ın xüsusi müxbiri
Tokio
Bölmənin digər xəbərləri
