KÜR VƏ ARAZ ÇAYLARI SAHİLLƏRİNDƏ YERLƏŞƏN 50 KƏNDDƏ SUTƏMİZLƏYİCİ QURĞULARININ QURAŞDIRILMASI NƏZƏRDƏ TUTULMUŞDUR
AZƏRTAC xəbər verir ki, bu barədə Ekologiya və Təbii sərvətlər naziri Hüseynqulu Bağırov iyulun 18-də jurnalistlərə açıqlamasında məlumat vermişdir.
Son zamanlar çimərliklərdə aparılmış monitorinqlərin nəticələrindən danışan nazir bildirmişdir ki, Bakı Kanalizasiya İdarəsinin qurğularının birində təmir işləri aparılır. Bu işlərlə əlaqədar Şüvəlanda, Buzovnada və bir sıra digər ərazilərdə çirklənmə müşahidə olunur.
Çirklənmənin qarşısının alınması istiqamətində görülən işlərdən danışan H.Bağırov vurğulamışdır ki, Novxanı kəndi və Sahil qəsəbəsində suyun təmizlənməsi işlərinin başlanması məqsədi ilə tender elan olunmuşdur.
Bölmənin digər xəbərləri
