Latviya məktəblərində təmassız termokameralar quraşdırılacaq
Riqa, 27 avqust, AZƏRTAC
Latviyanın Dauqavpils duması bu şəhərdə yerləşən 18 məktəbdə xeyli sayda insanın hərarətini ölçməyə imkan verən təmassız termokameralar quraşdırmağı planlaşdırır.
AZƏRTAC Latviya mətbuatına istinadla xəbər verir ki, bununla şəhər rəhbərliyi yeni tədris ilinin əvvəlində koronavirus pandemiyasına yoluxma və mövsümi qrip epidemiyası risklərinin azaldılmasına nail olmaq niyyətindədir.
Dauqavpils şəhər merinin müavini Yanis Dukşinskisin sözlərinə görə, oktyabr ayının ortalarından gec olmayaraq təhsil müəssisələrinin girişlərində 30-a yaxın təmassız termokameralarının quraşdırılması planlaşdırılır.
Asiman Əsədov
AZƏRTAC-ın xüsusi müxbiri
Riqa
Bölmənin digər xəbərləri
