Latviya Prezidenti: Noyabrın 15-də vaksinasiyadan keçmiş şəxslər üçün karantin rejimi ləğv edilməlidir
Riqa, 30 oktyabr, AZƏRTAC
Hökumət ciddi qaydalara sadiq qalmalıdır. Özünü məsuliyyətli aparan şəxslərin perspektivi olmalıdır. Planlaşdırıldığı kimi, noyabrın 15-də karantin ləğv edilməli və uşaqların məktəbə qayıtmasına icazə verilməlidir. Vaksinasiyadan keçməyənlər üçün ciddi məhdudiyyətlər mütləq qüvvədə qalmalıdır.
AZƏRTAC xəbər verir ki, bu sözləri Latviya Prezidenti Eqils Levits söyləyib.
“COVID-19 böhranı təkcə insanların sağlamlığı və həyatı üçün təhlükə deyil, bu böhran cəmiyyətimizi təhlükəli şəkildə parçalayır. Özü də təkcə vaksinasiya məsələsində deyil, həm də pandemiya ilə mübarizə məqsədilə qəbul edilmiş, demək olar ki, hər bir qərarda parçalayır”, − deyə Latviyanın dövlət başçısı bildirib.
Latviya Prezidenti qeyd edib ki, məhz vaksinasiya həm fərdi şəxslər, həm də bütövlükdə cəmiyyət üçün virusa və onun ən dəhşətli fəsadlarına qarşı ən effektiv müdafiədir. Dövlət başçısı xatırladıb ki, vaksinasiyadan keçmiş şəxslərin virusa yoluxmaq, ağır xəstələnmək, infeksiyanı yaymaq, xəstəxanaya düşmək, o cümlədən COVID-19 səbəbindən ölmək ehtimalı azdır.
Asiman Əsədov
AZƏRTAC-ın xüsusi müxbiri
Riqa
Bölmənin digər xəbərləri
