Latviyada koronavirusa yoluxanların sayı 655 nəfər olub
Riqa, 14 aprel, AZƏRTAC
Latviyada son sutka ərzində koronavirusa yoluxanların sayı 4 nəfər artaraq 655-ə çatıb.
AZƏRTAC xəbər verir ki, bu barədə Latviyanın Səhiyyə Nazirliyi məlumat yayıb.
Bildirilib ki, epidemiyanın yayıldığı tarixdən bəri ölkədə 28 min 776 nəfər müayinə olunub.
Nazirliyin məlumatına əsasən, son sutka ərzində koronavirusla bağlı 562 nəfərdən götürülən analizin 4-nün nəticəsi müsbət çıxıb. Virusa yeni yoluxma hallarının artacağı istisna edilmir.
Qeyd edək ki, indiyədək bu ölkədə koronavirusdan 5 ölüm faktı qeydə alınıb.
Asiman Əsədov
AZƏRTAC-ın xüsusi müxbiri
Riqa
Bölmənin digər xəbərləri
