LATVİYANIN BAŞ NAZİRİ ÖLKƏDƏ “RUS AZLIĞI” OLDUĞUNU İNKAR EDİR
Kalvitis eyni zamanda etiraf etmişdir ki, respublika sakinlərinin ümumi sayının 30 faizi rusdilli əhalidən ibarətdir. O demişdir: “Latviya hökuməti bu adamların Latviya cəmiyyətinə inteqrasiya olunmasında və onların ölkə vətəndaşlığı almasında çox maraqlıdır”. Baş nazirin sözlərinə görə, rusdilli vətəndaşlar “inteqrasiya prosedurası keçməli, Latviyanın tarixindən və latış dilinin baza biliklərindən imtahan verməlidirlər”.
Kalvitis yaşı 60-ı və ya 70-i keçən adamların dil imtahanını verə bilməməsinə görə vətəndaşlıqdan məhrum edilməyəcəyinə onun təminat verə biləcəyi barədə sualı cavablandırmaqda çətinlik çəkmişdir. O hesab edir ki, Latviya hökuməti beynəlxalq təşkilatların insan hüquqları barədə bütün tövsiyələrini yerinə yetirmişdir. Baş nazir demişdir: “Əks halda, biz Avropa İttifaqının üzvü ola bilməzdik”.
Lakin Qərbin hüquq müdafiə təşkilatları Latviyada irqçilik və ksenofobiya təzahürləri olduğunu dəfələrlə etiraf etmişlər. Keçən il hətta ABŞ Dövlət Departamenti öz rəsmi saytında amerikalı turistlərə xəbərdarlıq etmişdi ki, onlar Lativiyada irqçilik təzahürləri ilə qarşılaşa bilərlər.
Bölmənin digər xəbərləri
