LATVİYANIN YENİ PARLAMENTİNƏ QADIN BAŞÇILIQ EDƏCƏKDİR
Prezidenti qadın olan Latviyada yeni parlamentə də qadın başçılıq edəcəkdir. Seymin Riqada keçirilmiş birinci iclasında “Yaşıllar və kəndlilər” birliyinin nümayəndəsi İnqrida Udre parlamentin sədri seçilmişdir.
Latviya Seyminə oktyabrın 5-də keçirilmiş seçkilərdə qalib gəlmiş altı partiyadan dördü parlament çoxluğunun yaradılması ilə bağlı danışıqları başa çatdırmışdır. Bu çoxluq koalisiya hökuməti yaratmağı öz üzərinə götürür. Hökumətə Yeni Zaman Partiyası, “Yaşıllar və kəndlilər” birliyi, “Birinci Partiya”, “Vətən və azadlıq /Latviyanın milli müstəqilliyi uğrunda hərəkat” birlikləri daxildir.
İTAR-TASS xəbər verir ki, koalisiya parlamentdə 100 deputat mandatından cəmi 55-nə malik olacaqdır. Hər hansı bir tərəfdaşın koalisiyadan çıxması hökuməti parlament çoxluğunun dəstəyindən məhrum edəcəkdir.
Bölmənin digər xəbərləri
