LAYİHƏNİN İCRASI UĞURLA DAVAM EDİR

13.11.2006 [18:27]
Çap et
A⁺ A^-

bp-dən AZƏRTAC-a verilən məlumata görə, “Azəri-Çıraq-Günəşli” layihəsinin 3-cü Fazası olan Dərinsulu Günəşli obyektlərinin inşası uğurla davam etdirilir. 2007-ci ildə icra ediləcək birinci quraşdırma proqramı üçün bütün əsas avadanlıq respublikamıza gətirilmişdir.

Dərinsulu Günəşli Şərq Manifoldu ilə sualtı suvurma layihəsinə tam sanksiya verilməsi tərəfdaşlar tərəfindən təsdiq olunmuşdur. Dərinsulu Günəşli kompleksindən təxminən 5 kilometr məsafədə suyun 225 metr dərinliyində yerləşən bu əlavə manifold dörd əlavə sualtı quyu vasitəsilə gün ərzində laya 200 min barrel əlavə su vuracaqdır.

Sualtı avadanlığın mühəndis-layihə və quraşdırılma işlərinin 20 faizi tamamlanmışdır.

Birgə Dərinsulu Günəşli Faza 3 və Şərq Manifoldu layihələrinin icrası üçün Şimal dənizindəki işlərin yerinə yetirilməsində təcrübə toplamış “JP Kenny MCCİ”, “Aker Kvaerner”, “Cooper Cameron”, “Vetco Gray”, “NKT Flexibles” və “Burntisland Fabricators” şirkətləri ilə müqavilələr bağlanmışdır.

LAYİHƏNİN İCRASI UĞURLA DAVAM EDİR

MÜƏLLİFLƏ ƏLAQƏ

Bölmənin digər xəbərləri