LAYİHƏNİN İKİNCİ MƏRHƏLƏSİ SONA ÇATMAQ ÜZRƏDİR
“Bank Standard”dan AZƏRTAC-a bildirmişlər ki, qurum cari ildə risklərin idarəolunması sahəsində peşəkar məsləhətçilik xidmətləri göstərən “Ernst&Young” auditor şirkəti ilə saziş imzalamışdır.
Layihənin məqsədi dünyanın aparıcı banklarının təcrübəsi əsasında “Bank Standard”da risklərin idarəolunması sisteminin təkmilləşdirilməsi, eyni zamanda, risk-menecerlərin təcrübələrinin və ixtisas səviyyələrinin artırılmasıdır.
Layihənin birinci mərhələsi “Bank Standard”ın yeniləşmiş kredit siyasəti və bu siyasətin düzgün qurulması prosedurlarının tətbiqi ilə yekunlaşmışdır. Layihənin ikinci mərhələsi bazar risklərinin və likvidlik risklərinin idarəolunması sistemlərinin təkmilləşdirilməsini nəzərdə tutur. Bu mərhələnin yaxın zamanda başa çatacağı planlaşdırılmışdır.
