LƏNKƏRAN POLİSİ NARKOTİK ALVERİ İLƏ MƏŞĞUL OLAN DƏSTƏNİ AŞKAR ETMİŞDİR

05.12.2006 [11:51]
Çap et
A⁺ A^-

AZƏRTAC-ın müxbiri xəbər verir ki, Lənkəran rayon polis şöbəsinin və Liman şəhər polis bölməsinin əməkdaşları tərəfindən keçirilmiş əməliyyat-axtarış tədbirləri nəticəsində narkotik alveri ilə məşğul olan dəstə aşkar edilmişdir.

Əməliyyat zamanı İran vətəndaşı, 1963-cü ildə Təbriz şəhərində anadan olmuş Kuhieynəddin Əhmədəli Mərdəli oğlundan satış məqsədi ilə əldə etdiyi 1,623 kiloqram çəkidə narkotik maddə aşkar olunaraq götürülmüşdür.

Baş vermiş cinayət işinin istintaqı zamanı aparılmış əməliyyat tədbirləri nəticəsində İran vətəndaşı, şəxsiyyəti istintaqa məlum olmayan Nadir adlı şəxs Cəlilabad rayonunun Zəhmətabad kəndinin sakinləri, 1977-ci il təvəllüdlü Niftəliyev Emin Mahmudağa oğlu və 1973-cü il təvəllüdlü Niftəliyev İlham Mahmudağa oğlu ilə cinayət əlaqəsinə girərək 2 kiloqram 945 qram tiryəki və 1,293 qram heroini satarkən yaxalanmışlar.

Keçirilən əməliyyat tədbirində Cəlilabad rayonunun Zəhmətabad kəndində Nadir və Bəşir adlı İran vətəndaşları narkotik vasitə satan zaman şübhələndiklərinə görə 2 kiloqram 984 qram çəkidə 3 büküm tiryəki atıb qaçmışlar.

Faktla bağlı istintaq aparılır.

LƏNKƏRAN POLİSİ NARKOTİK ALVERİ İLƏ MƏŞĞUL OLAN DƏSTƏNİ AŞKAR ETMİŞDİR

MÜƏLLİFLƏ ƏLAQƏ