LƏNKƏRANDA AZƏRBAYCAN POLİSİNİN YARANMASININ 90-CI İLDÖNÜMÜNƏ HƏSR EDİLMİŞ MƏRASİM KEÇİRİLMİŞDİR
AZƏRTAC xəbər verir ki, iyulun 2-də Lənkəran Şəhər Polis Şöbəsində Azərbaycan polisinin yaranmasının 90-cı ildönümünə həsr edilmiş mərasim keçirilmişdir.
Tədbir iştirakçıları əvvəlcə şəhərin Heydər Əliyev parkında ümummilli liderimizin abidəsinin önünə gül dəstələri düzmüş, ulu öndərin xatirəsini ehtiramla yad etmişlər.
Toplantıda Lənkəran Şəhər İcra Hakimiyyətinin başçısı Süleyman Mikayılov, rayon polis şöbəsinin rəisi İlham Hüseynov, ağsaqqallar, ziyalılar və gənclərin nümayəndələri çıxış edərək şərəfli peşə sahiblərini bayram münasibətilə təbrik etmiş, xidməti vəzifələrinin icrasında onlara uğurlar arzulamışlar.
Mərasimdə polis işçilərinin bir qrupuna rayon icra hakimiyyətinin fəxri fərmanları və xatirə hədiyyələri təqdim edilmişdir.
