LƏNKƏRANDA QƏZA VƏZİYYƏTİNDƏ OLAN BİNALARIN TƏMİRİ BAŞA ÇATMIŞDIR
AZƏRTAC-ın müxbiri xəbər verir ki, bu il yanvarın 29-da Lənkəran şəhərində beşmərtəbəli yaşayış binasında baş vermiş qəzanın nəticələrinin aradan qaldırılması ilə bağlı Prezident İlham Əliyevin Sərəncamına uyğun olaraq, respublika Fövqəladə Hallar üzrə Dövlət Komissiyasının, Dövlət Tikinti və Arxitektura Komitəsinin mütəxəssisləri bu şəhərdə mövcud çoxmərtəbəli yaşayış binalarına texniki baxış keçirmişlər. Baxış zamanı 4 binanın qəza vəziyyətində və 56 binanın əsaslı təmirə ehtiyacı olduğu müəyyənləşdirilmişdir.
“Metrotuneltikinti”, “Sənayetikinti” və “Nəqliyyattikinti” səhmdar cəmiyyətləri qəza vəziyyətində olan 4 binada təmir–bərpa işlərini artıq başa çatdırmışlar. Bu işlərə 3 milyard 17 milyon 584 min manat vəsait xərclənmişdir. Binaların sakinləri öz mənzillərinə köçmüşlər.
Bölmənin digər xəbərləri
