LENNONUN DƏFTƏRİ “BİTLZ”İN DAĞILMASI BARƏDƏ ŞƏHADƏTNAMƏDƏN QİYMƏTLİ İMİŞ
AZƏRTAC xarici KİV-lərə istinadla xəbər verir ki, Londonda madam Tyussonun mumdan hazırlanmış fiqurlar muzeyində hərrac açılmışdır. Burada əfsanəvi musiqiçi Con Lennonun şəxsi əşyaları satışa qoyulmuşdur. Satılan eksponatlardan ən bahalısı Lennonun “Mənim antologiyam” adlı dəftəridir. Naməlum şəxs onu 126,5 min funt sterlinqə (225 min dollardan artıq) almışdır. Bundan əlavə, Lennonun, Corc Harrisonun və Rinqo Starrın Pol Makkartniyə məktubu da hərraca çıxarılmışdır. Deyilənə görə, bu məktub “Bitlz” qrupunın dağılmasına səbəb olmuşdur.
Qəribədir ki, məktub camaata maraq doğurmadığına görə hərracdan çıxarılmışdır.
Bölmənin digər xəbərləri
