LERİKİN POLİS İŞÇİLƏRİ PEŞƏ BAYRAMLARINI QEYD ETMİŞLƏR
AZƏRTAC-ın müxbiri xəbər verir ki, iyulun 2-də Lerik rayonunun polis işçiləri peşə bayramlarını qeyd etmişlər.
Rayon polis şöbəsində keçirilən yığıncaqda Lerik Rayon İcra Hakimiyyətinin başçısı Rövşən Bağırov çıxış edərək şərəfli peşə sahiblərini bayram münasibətilə təbrik etmiş, ümummilli liderimiz Heydər Əliyevin polis işçilərinə göstərdiyi qayğıdan danışmış, bu gün bu diqqət və qayğının Azərbaycan Prezidenti tərəfindən davam etdirildiyini diqqətə çatdırmışdır.
Toplantıda rayon polis şöbəsinin rəisi Nurəli Mirəliyevin Azərbaycan polisinin yaranmasının 90-cı ildönümü ilə bağlı məruzəsi dinlənilmişdir.
Tədbirin sonunda rayonda ictimai asayişin qorunmasında və cinayətkarlığa qarşı mübarizədə fərqlənənlərə və veteran polis işçilərindən bir qrupuna fəxri fərman və hədiyyələr təqdim edilmişdir.
