Lissabonda minlərlə müəllim nümayişə çıxacaq
Lissabon, 5 oktyabr, AZƏRTAC
Bu gün Lissabonda minlərlə müəllim nümayişə çıxacaq. Beynəlxalq Müəllimlər Gününün özünəməxsus şəkildə qeyd edilməsinə həsr olunmuş bu tədbirdə nitqlər səslənməyəcək.
AZƏRTAC xəbər verir ki, bugünkü nümayiş sabah, oktyabrın 6-da Portuqaliya Assambleyasına (parlamentə) keçiriləcək seçkilər ərəfəsində “sükut günü” ilə eyni tarixə düşür.
Nümayiş müəllimlərin “cavanlaşması”, onların əməkhaqqının və ixtisas səviyyəsinin artırılması şüarları ilə keçiriləcək. Müəllimlər bu aksiya vasitəsilə həm də özlərinin əsas problemlərini bildirəcək, o cümlədən xüsusi pensiya sxemi, iş vaxtının müddətinə yenidən baxılması, iş vaxtının qeyri-sabitliyinə qarşı mübarizə və ya dondurulmuş iş vaxtının tamamilə bərpa edilməsi barədə tələbləri növbəti hökumətə təqdim edəcəklər.
Nigar Cəfərli
AZƏRTAC-ın xüsusi müxbiri
Lissabon
Bölmənin digər xəbərləri
