“LUKOYL” TÜRKİYƏDƏ 2,5 MİLYARD DOLLAR DƏYƏRİNDƏ ZAVOD TİKDİRƏCƏK

10.07.2006 [21:22]
Çap et
A⁺ A^-

AZƏRTAC Cihan agentliyinə istinadla xəbər verir ki, “LUKoyl” şirkəti Türkiyənin Zonquldağ vilayətində 2,5 milyard dollar dəyərində neftayırma zavodu tikdirəcəkdir. Bununla əlaqədar şirkət Türkiyə Enerji Bazarlarını Tənzimləmə Şurasına (EBTŞ) müvafiq müraciət göndərmişdir.

“LUKoyl”un vitse-prezidenti Nikolay Çernıx və EBTŞ-ın prezidenti Yusuf Günay yeni zavodun tikintisi ilə bağlı məsələləri müzakirə etmişlər. Zavodda ildə təxminən 8-10 milyon ton neft emal olunacaqdır. Nəzərdə tutulduğuna görə, müəssisə Rusiya və Qazaxıstan neftini emal edəcəkdir.

Yusuf Günay bildirmişdir ki, “LUKoyl” şirkətinin təşəbbüsü Türkiyənin enerji bazarının inkişafına təkan verəcəkdir.

Rusiya şirkəti rəsmi icazəni lazımi sənədlər hazırlanıb razılaşdırıldıqdan sonra alacaqdır.