MADRİDDƏ NİKOLA SARKOZİNİN ATASININ SƏRGİSİ TƏŞKİL EDİLMİŞDİR
AZƏRTAC-ın xüsusi müxbiri Frans-Press agentliyinə istinadla xəbər verir ki, Madriddə Fransa Prezidenti Nikola Sarkozinin atası Pal Sarkozinin rəsm əsərlərindən ibarət sərgi təşkil edilmişdir.
Rəssamın oğlunun portreti də daxil olmaqla, 35 əsərdən ibarət sərgisi tamaşaçıların böyük marağına səbəb olmuşdur. Buna səbəb yağlı boya ilə çəkilmiş tabloların fotomontaj edilmiş əsərlərlə qarışıq formada nümayiş etdirilməsidir.
Xarakter etibarilə sürrealist əsərləri xatırladan sərgidə Nikola Sarkozi Fəxri legion ordeninin fonunda təsvir edilmişdir.
60 yaşlı Pal sərginin Parisdə deyil, Madriddə təşkil edilməsini İspaniyada çoxlu dostları olması və oğlunun portretinin Fransada nümayiş etdirmək istəməməsi ilə əlaqələndirmişdir.
Bölmənin digər xəbərləri
