Magistratura üzrə respublika birincisi AzTU-nu seçib
Bakı, 28 iyul, AZƏRTAC
2026/2027-ci tədris ili üzrə Dövlət İmtahan Mərkəzinin ali təhsil müəssisələrinin magistraturalarına qəbul imtahanında 99 balla respublika birincisi olan Cəmilə Yusifovanın seçimi Azərbaycan Texniki Universiteti (AzTU) olub. O, ixtisas seçimi zamanı kodlaşdırmada yalnız AzTU-nun kibertəhlükəsizlik ixtisasını seçib.
AzTU-dan AZƏRTAC-a bildirilib ki, rektor Vilayət Vəliyev Cəmilə Yusifova ilə görüşüb. Rektor AzTU-nun Kibertəhlükəsizlik kafedrasının fəaliyyətindən, həmçinin kibertəhlükəsizlik sahəsində görülən işlər və həyata keçirilən yeniliklərdən danışıb.
Cəmilə Yusifova bildirib ki, respublika birincisi olmaq onun hədəflərindən biri olub. Daha sonra o, kibertəhlükəsizlik istiqamətində kadr hazırlığı həyata keçirən universitetlərin fəaliyyətini araşdırıb və AzTU-da təhsil almaq qərarını verib.
Qeyd edək ki, Cəmilə Yusifova bakalavriat təhsili dövründə Prezident təqaüdçüsü olub.
Bölmənin digər xəbərləri
