Maliyyə sanksiyası tətbiq edilmişdir
Bakı, 31 oktyabr (AZƏRTAC). Antiinhisar Siyasəti və İstehlakçıların Hüquqlarının Müdafiəsi Dövlət Xidməti “Amal” firmasına məxsus istehsalat sahəsində yoxlama aparmışdır.
İqtisadiyyat və Sənaye Nazirliyinin mətbuat xidmətindən AZƏRTAC-a bildirmişlər ki, yoxlama zamanı markalanmasında düzgün olmayan məlumatlar verilməklə istehlakçıların çaşdırılmasına səbəb olan süd məhsullarının istehsal edildiyi müəyyən edilmişdir. Qanun pozuntuları ilə əlaqədar firma barəsində antiinhisar qanunvericiliyinin tələblərinin pozulması əlamətləri üzrə iş qaldırılmışdır.
Dövlət Xidmətində işə baxılmış və “Haqsız rəqabət haqqında” Azərbaycan Respublikası Qanununun tələblərini pozduğuna görə “Amal” firmasına 11,8 min manat məbləğində maliyyə sanksiyası tətbiq edilmişdir.
Bölmənin digər xəbərləri
