MDB ÖLKƏLƏRİ SAXTA DƏRMANLARIN YAYILMASI İLƏ MÜBARİZƏDƏ SƏYLƏRİNİ BİRLƏŞDİRİRLƏR
Viktor Dmitriyev səfərin yekunlarına dair aprelin 21-də keçirilən mətbuat konfransında jurnalistlərə bildirmişdir ki, müxtəlif hesablamalara görə, MDB bazarlarında saxta dərmanların həcmi 5 faizdən 10 faizədəkdir. Birlik çərçivəsində bu sahədə iki istiqamətdə - fövqəlmilli və milli səviyyələrdə fəaliyyət barədə saziş layihəsi hazırlanmışdır. Layihədə saxtakarlıq faktlarının aşkara çıxarılmasına dair operativ informasiya mübadiləsi, bu dövriyyə ilə mübarizə üçün normativ-hüquqi bazanın yaradılması, ixtisaslı kadrlar hazılanması nəzərdə tutulmuşdur. Bundan əlavə, Birlik ölkələri üçün vahid farmakopeya, habelə Moskvada beynəlxalq mərkəz yaradılması planlaşdırılır. Mərkəzdə bu və ya digər preparatların insan orqanizminə əks-təsiri tədqiq olunacaqdır.
Komissiyanın başçısı Azərbaycanın səhiyyə sistemində son zamanlar aparılan islahatlardan, xüsusilə keyfiyyətsiz dərman preparatlarının satışının qarşısını almaq üçün İnnovasiya və təchizat mərkəzinin yaradılmasından razı qaldığını bildirmişdir.
Bölmənin digər xəbərləri
