Media: Hörmüz boğazı üçün Qara Dəniz təşəbbüsü modeli istifadə edilə bilər
Bakı, 1 aprel, AZƏRTAC
Hörmüz boğazında gəmiçiliyin bərpası Qara Dəniz təşəbbüsü modelindən istifadə edilməklə həll oluna bilər.
AZƏRTAC xəbər verir ki, bu barədə məlumat “Washington Post” qəzetində dərc olunan məqalədə öz əksini tapıb.
“Hörmüz boğazında yaranan böhranın həlli üçün görülə biləcək tədbirlərdən biri də Qara Dəniz təşəbbüsü modelindən istifadə etməkdir. Qara Dəniz təşəbbüsü Ukraynadakı hərbi əməliyyatlara baxmayaraq 2022-ci ilin iyul ayında bölgədə gəmiçiliyin bərpasına imkan yaratdı. Sazişdə bütün əsas oyunçular - Ukrayna, Türkiyə, ABŞ, Rusiya, eləcə də taxıl və gübrəyə ehtiyacı olan digər dünya ölkələri iştirak etdi”, - deyə məqalədə vurğulanır.
Ekspertlərin sözlərinə görə, hazırkı vəziyyətdə tətbiq oluna biləcək oxşar Hörmüz boğazı təşəbbüsü Asiya və Avropa ölkələrinin və bu məsələdə daha çox maraqlı olan Çinin iştirakını tələb edəcək.
Xatırladaq ki, taxıl müqaviləsi kimi də tanınan Qara Dəniz təşəbbüsü, Ukrayna taxılının, həmçinin Rusiyanın kənd təsərrüfatı məhsullarının və gübrə ixracının Qara dəniz limanlarından dünya bazarına daşınmasını nəzərdə tuturdu.
Bölmənin digər xəbərləri
